بحيره (لورين) الجزء الاول

بقنع نفسي ان الي شايفه غلط .. او بيتهيئلي.

طب انا مين!! انا (إيلين).. 19 سنه.. ساكن في كاليفورنيا..

زي اي شاب في السن ده كتير العلاقات و كتير المشاكل و يمكن كل يوم مشكله و سهره جديده!!

احنا شله ولاد و بنات 14 فرد.. كل يوم بنسهر عند بيت حد فينا.

احنا معظمنا من الطبقه الغنيه ف كتير جدا هتلاقي كميه الكحوليات موجوده في بيت كل حد فينا!

بدأنا السهره عند بيت (لورين) بيتها عباره عن ڤيلا كبيره جدا و أمامها بحيره كبيره هاديه و بدأنا نتجمعوا واحد ورا التاني لحد ما (أوليڤيا) و ،(ساندر) اتاخروا جدا..

بنرن عليهم.. تليفوناتهم مقفوله ، يمكن عشان كنا شاربين و مندمجين فالرقص اوي مدناش اهتمام اننا نفضل نسأل..

اتلهينا في اليوم و بدأنا نروح قرب الصبح!

نزلنا من بيت (لورين) ، نزلت انا و صديقتي (شيلي) .. (شيلي) كانت متنحه و باصه قدام و مركزه اوي!!

-(شيلي) في ايه؟!

=مفيش !

-طيب انتي مركزه ناحيه البحيره الي هناك ليه؟!

= لا مفيش! ، انا سرحت شويه.. يمكن كترنا الشرب شويه!

اتمشينا انا و (شيلي) و طبعا كان في غزل طول السكه بس (شيلي) مكنتش علي طبيعتها خالص!!

وصلت بيتها و اطمنت انها طلعت و روحت..

اول م روحت لقيت مسدچ من (لورين) بصوتها بتقول::

"ألحقني (أوليڤيا) و (ساندر) واقفين بره و بيبصوا لي بصات كلها غضب و رعب .. ارجوك تعالا الحقني"..... يتبع الجزء الثاني.

مراجعه / هدير عصام.

تأليف و فكره / ياسين سمير خليفه.

،