بحيره لورين - الجزء الثالث - حديقه المنزل

Yassin Samir Khalifa
May 10, 2019
2 min read

وصلت لبيت (لورين) لقيت الباب مفتوح.. دخلت افتش واحده واحده و بحذر .

(لورين) اختفت و ملهاش اثر ، لقيت مطرح السهره و علي التربيزه الي فيها الخمر ورقه مكتوب عليها 12 ..

مبقتش فاهم ايه الي بيحصل ! ، بمشي واحده واحده فالبيت ، طلعت الدور الي فوق ، مفيش اي حاجه كلها ما هي الا حاجات السهره من شرب و لعب و الي اخره !!

بدأت افكر ان هي ممكن تكون جريت و طلعت بره ، نزلت من السلم التاني الي بيودي لحديقه المنزل ، ببص لقيت الباب مفتوح ، مشيت واحده واحده ، لقيت اثار اقدام و وشيه اثار جر و زحف !

فضلت متابع الخطوات دي لحد م لقيت الارض مش مستويه ، ساعتها فهمت !!

في حاجه حصلت ، او (لورين) هنا و اتدفنت !!

جبت الجروف و بدأت احفر !!

حفرت لقيت كيس ابيض طويل ، من تحديدي حسيت ان فيه جثتين مش جثه واحده !!

افتكرت ان هي ممكن تكون (لورين) وصاحبنا (ستيفن) ..

فكيت الكيس واحده واحده بس للاسف ملقتش (لورين) ولا (استيفن)

انا لقيت (صوفيا) و (زاك) ، الاتنين دول صحابنا و كانوا معانا في الحفله !!

ازاي جم هنا !! و كمان مدفونين في بيت (لورين) !!

طب ازاي !! تساؤلات كتير و حاولت افهم الي بيحصل معرفتش !!

ببص في جثثهم للاسف لقيتهم مقتولين بجرح في الرقبه !! يعني اتدبحوا طب امتي !!

تساؤلات كتيره و مش عارف اجاوب! ، فوقت علي صوت صفاره الشرطه هي دلوقتي علي بعد 5 كيلو من هنا مقداميش غير 3 دقايق و هيكونوا وصلوا !!

و دقيقه واحده لو عايز اهرب بعربيتي و ميشفونيش !!